Бұл жарақаттану және инфекциялану тәуекелдерін арттырады. Диабеттік табан синдромы кезінде науқастың аяқтарында ойық жаралар пайда болады, буындары және тіпті сүйектері зақымданады. Жарақаттар нашар жазылады, оларда ауру тудырғыш микробтар көбейеді. Асқынған жағдайда бұл гангренаның және ампутацияның себебіне айналады.
Диабеттік табанның белгілері – бұл науқастардың аяқтарымен байланысты мәселелер:
- күс;
- күлдіреу;
- тырнақтың тері астынан өсуі;
- үлкен саусақтың бурситі;
- табандағы сүйел;
- саусақтардың балта тәрізді майысуы;
- құрғақ және жарылған тері;
- табан терісінің зең ауруы (табанның эпидермофитиясы);
- тырнақтың зеңденуі.
Safetac технологиясы бар таңғыштар қатары табанында диабеттік ойық жара пайда болған жеті емделушінің қатысуымен жүргізілген клиникалық қадағалаулар топтамасында бағаланды. Әр жарақатты емдеуге қойылған дербес талаптарға байланысты Mepilex Lite, Mepilex Heel, Mepilex, Mepilex Border Lite, Mepitel, Mepilex Transfer және Mepilex Ag таңғыштары таңдалды. Әр жағдайда Safetac технологиясы бар таңғышты пайдалану осы созылмалы жарақаттарды емдеумен және олардың жазылуымен байланысты қиындықтарды сәтті жеңіп шығуға мүмкіндік берді.
Mepilex® |
Mepilex®Ag |
Mepilex®Border |
Mepitel ® |
Mepilex®Border lite |
Mepilex®Heel |
Зерттеу барысында диабеттік табан синдромын емдеу барысында Mepilex Ag таңғышын пайдалану тиімділігі мен қауіпсіздігі бағаланды. Құрамында күміс бар Mepilex Ag пайдаланғанда ыңғайлы, иілімді, оңай бейімделетіні және табанның кез-келген аймағында оқшауланатын ойық жараларды емдеу үшін пайдалана алатыны көрсетілді. Кейбір жағдайларда Mepilex Ag таңғышы табанға салмақ түсірмеумен үйлестірілді. 12 жағдайдың 10-да жарақат (орташа есеппен 57,4 күн ішінде) жазылды.
Қолайсыз жағдайлар тіркелген жоқ. Жұмыстың авторлары инфекцияланған жарақаттарды емдеген кезде қосалқы құрал ретінде пайдаланылатын таңғышқа қойылатын талаптарды талқылайды, олар: жарақатта ылғалды ортаны жасау, экссудацияны бақылау және жарақаттың жиегіндегі баздануды бақылау, газ алмасуды қамтамасыз ету, жарақатты оқшаулау, емделушіге жайлылық жасау, ауруды азайту, жарақаттың айналасындағы түйіршіктелген ұлпаны және теріні зақымдамай оңай алып тастау, сондай-ақ оңтайлы баға-тиімділік арақатынасы. Жиналған тәжірибенің негізінде авторлар Mepilex Ag таңғышы барлық талаптарға сай келеді деп пайымдайды.